即食餸菜包送上門推介 晚餐冇煩惱!$28起食住家菜

即食餸菜包送上門推介 晚餐冇煩惱!$28起食住家菜

政府近日收緊防疫措施,晚市禁堂食,想食晚餐又沒時間煮,除了食外賣,送上門的即食餸菜包也是不錯的選擇,由餐廳煮好再用真空包裝,食飯時翻叮加熱,幾分鐘就食得非常方便,不少餐廳更有免費送貨服務!以為餸菜包一定賣得貴?今次為大家推介5間店,最平$28就有交易,款式非常多,由日常住家菜,到親子丼、章魚燒等日式料理,甚至是意粉西餐都有,想食家常飯抑或大魚大肉都冇問題。

五味匣子

藍帶廚炮製高質餸菜包

由藍帶廚師梁可欣(Joephy)所創立的五味匣子,一直以私廚登堂模式運作,創意多多的她,幾乎每周都會推出1-2款急凍菜式,新鮮感十足。即食餸菜包選擇豐富之餘,每款都是高質之選,$58起可以食到醉香鮑魚、花螺等冷盤,解凍後就直接食得。也有玫瑰豉油手撕雞、醬燒黑豚肉等菜式,甚至是養生花膠湯包都有。餸菜包直送上門,即使足不出戶都可以品嘗餐廳級菜式!

銀杏士多

社企$28起住家菜

銀杏館是主力推動長者就業的社企,旗下的銀杏士多專賣食品及日用品,更有各款即食餸菜包,選擇多樣,價錢亦吸引,$28起就食到滷香鴨髀、手打鯪魚球、醬燒豬仔骨、咖喱雞等多國菜式,湯包方面則由火鍋湯底、潤肺湯水到煮麵的喇沙湯包都有,7月加入逢星期二、四的晚上送貨時段,而且買滿$400就有免費送貨,更有多買多送優惠。買餸的同時支持一班有心有力的長者,更有意思!

AMMO

家中輕鬆歎高質西餐

金鐘隱蔽西餐廳AMMO也推外賣即食餸菜包,價錢由$40起,包括紅蝦意大利麵、鱸魚檸檬意大利飯及燉牛肋骨等。材料包內的食材及醬汁已處理好及調味,客人在家只需按照簡單步驟,就能輕鬆炮製。也有2人及4人餐,前菜、主菜及飲品齊備,4人餐更包括一支紅酒或白酒。可於營業時間內致電餐廳預訂,20分鐘後即可於餐廳提取;亦可透過Uber Eats或Deliveroo訂購,直送家中。

TASTING TABLE Japan Premium

200款日式料理翻熱即食

主打日本冷凍食品的網站,有不少加熱即食的微波爐食品,也有急凍丼飯餸菜包、日式和菓子和甜品,超過200款選擇。另有優惠套餐,比如人氣輕食組合A,$142有4款食物,包括牛柳絲炒麵、雞腿米漢堡、焗白汁蝦通粉,連原個蛋包飯都有,十分吸引!買滿$700可享免費送貨,若未滿$700,急凍及常溫貨品分別有不同收費,港九新界大部分地區都會送達。

ChumPlus

手工西餐+40款住家餸

即食餸菜包如梅菜肉餅(生料即蒸)、咖喱牛腩、沙薑雞翼等,價錢$31起,也有較特別的手工西餐如西班牙黃油春雞釀糯米及慢煮牛扒!食前浸熱水或用微波爐加熱即可食用。運費按送貨地區而定,觀塘區於網站訂購滿$300就有免費送貨,港九新界其他地區則要$500,有即日預訂即日送貨服務,餸菜包大部分均可冷藏存放7日,急凍更可保存60日!

Share